काठमाडौं- समयमा काम नगर्ने १४ निर्माण कमपनीलाई कालोसूचीमा राखिएको छ। सार्वजनिक खरिद अनुगमन कार्यालयले १४ निर्माण कम्पनीलाई शुक्रबार कालोसूचीमा राखेको सूचना जारी गरेको हो। 

पटक पटक काम गर्न आग्रह गर्दा समेत काम नगरेपछि स्पष्टीकरणको मौका दिएर ती निर्माण कम्पनी तथा सप्लायर्सलाई कालोसूचीमा राखिएको छ। 

१४ निर्माण कम्पनी तथा सप्लायर्सलाई १ देखि ३ वर्षसम्म कालोसूचीमा राखिएको हो। कालोसूची अवधिभर यी कम्पनीले सरकारी टेन्डरमा सहभागी हुन पाउने छैनन्। 

कार्यालयले सार्वजनिक खरिद ऐन २०६३ को दफा ६३ को उपदफा १ बमोजिम मंसिर १४ गतेको निर्णय अनुसार कालोसूचीमा राखिएको हो।