काठमाडौं- नेपाली बजारमा बिहीबार सुनचाँदीको मूल्य स्थिर छ। बुधबार प्रतितोला तीन सय रूपैयाँले बढेको सुनको मूल्य बिहीबार स्थिर रहेको नेपाल सुनचाँदी व्यवसायी महासंघले जनाएको छ।
महासंघका अनुसार बिहीबार छापावाल सुनको मूल्य प्रतितोला एक लाख १६ हजार पाँच सय रूपैयाँ र तेजाबी सुनको मूल्य प्रतितोला एक लाख १५ हजार ९ सय ५० रूपैयाँ कायम छ। बुधबार पनि सुन सोही मूल्यमा कारोबार भएको थियो।
यस्तै बुधबार प्रतितोला १४ सय ५५ रूपैयाँ मूल्य तोकिएको चाँदी आज पनि सोही मूल्यमा कारोबार भइरहेको छ।
