.gif)
.gif)
काठमाडौं- यो साता सुनचाँदीको मूल्य लगातार बढिरहेको छ। सोमबार प्रतितोला दुई सय र मंगलबार पाँच सय रूपैयाँले बढेको सुनको मूल्य बुधबार पनि प्रतितोला तीन सय रूपैयाँले बढेको छ।
बुधबारका लागि छापावाल सुनको मूल्य प्रतितोला एक लाख १६ हजार पाँच सय रूपैयाँ तोकिएको छ भने तेजाबी सुनको मूल्य प्रतितोला एक लाख १५ हजार ९ सय ५० रूपैयाँ तोकिएको छ।
मंगलबार छापावाल सुनको मूल्य प्रतितोला एक लाख १६ हजार दुई सय रूपैयाँ र तेजाबी सुनको मूल्य प्रतितोला एक लाख १५ हजार ६ सय ५० रूपैयाँ कायम गरिएको थियो।
चाँदीको मूल्य भने आज स्थिर छ। आइतबार र सोमबार स्थिर रही मंगलबार प्रतितोला पाँच रूपैयाँले बढेको चाँदीको मूल्य बुधबार पुन: स्थिर रहेको हो। मंगलबार प्रतितोला एक हजार चार सय ५५ रूपैयाँ मूल्य तोकिएको चाँदी आज पनि सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ।
