काठमाडौं- नेपाली बजारमा सोमबार सुनको मूल्यमा सामान्य वृद्धि भएको छ भने चाँदीको स्थिर छ। आइतबारको तुलनामा सोमबार सुनको मूल्य प्रतितोला दुई सय रूपैयाँले बढेको नेपाल सुनचाँदी व्यवसायी महासंघले जनाएको छ। 

महासंघका अनुसार सोमबारका लागि छापावाल सुनको मूल्य प्रतितोला एक लाख १५ हजार ७ सय रूपैयाँ तोकिएको छ भने तेजाबी सुनको मूल्य प्रतितोला एक लाख १५ हजार एक सय ५० रूपैयाँ तोकिएको छ। 

आइतबार प्रतितोला १४ सय ५० रूपैयाँ तोकिएको चाँदी आज पनि सोही मूल्यमा कारोबार भइरहेको छ।