काठमाडौं- जीवन विकास लघुवित्त वित्तीय संस्था लिमिटेडले चालू आर्थिक वर्षको पहिलो तीन महिनामा १२ करोड ५ लाख नाफा कमाएको छ। यो नाफा गत आवको पहिलो त्रैमासको तुलनामा २१ प्रतिशत कम हो।
गत आवमा कम्पनीले १५ करोड ३२ लाख नाफा कमाएको थियो। चालू आवमा कम्पनीको खुद ब्याज आम्दानी र सञ्चालन नाफा घटेकोले नाफा घटेको हो। गत आवको तुलनामा चालू आवमा कम्पनीको खुद ब्याज आम्दानी ७ प्रतिशत घटेको छ । त्यस्तै कम्पनीको इम्पेयरमेन्ट चार्ज गत आवमा ५ करोड ८३ लाख छुट्याएकोमा चालू आवमा १० करोड १३ लाख छुट्याएको छ। सोही कारण कम्पनीको सञ्चालन नाफा २१ प्रतिशत घटेको हो।
चालू आवमा कम्पनीको खुद नाफा घटेसँगै प्रतिशेयर आम्दानी पनि घटेको छ। गत आवमा कम्पनीको प्रतिसेयर आम्दानी ५१ रुपैयाँ ८६ पैसा रहेकोमा चालू आवमा घटेर ४० रुपैयाँ ७८ पैसामा झरेको छ। त्यस्तै कम्पनीको निष्क्रिय कर्जा पनि गत आवको तुलनामा चालू आवमा घटेको छ। गत आवमा कम्पनीको निष्क्रिय कर्जा १ दशमलव १२ प्रतिशत रहेकोमा चालू आवमा बढेर ३ दशमलव २६ प्रतिशत पुगेको छ।
.jpg)
कम्पनीको चुक्ता पूँजी १ अर्ब १८ करोड छ भने कम्पनीले जगेडामा १ अर्ब २३ करोड र रिटेन्ड अर्निङमा ९५ करोड ६१ लख सञ्चिति गरेको छ। चालू आवमा कम्पनीको मूल्य आम्दानी अनुपात ३२ दशमलव ६६ गुणा र प्रतिशेयर नेटवर्थ २८५ रुपैयाँ ०१ पैसा रहेको छ।
