काठमाडौं- नेपाल विज्ञान तथा प्रविधि प्रज्ञा प्रतिष्ठान(नास्ट)ले १० लाख रुपैयाँसम्मको अनुसन्धान वृत्ति दिने भएको छ। नास्टले अनुसन्धान वृत्तिका लागि सार्वजनिक आव्हान गरेको छ। 

नेपालका लागि आवश्यक नवितम प्रविधि विकास तथा सुधारका लागि आवश्यक अध्ययन तथा अनुसन्धानका लागि भन्दै यस्तो वृत्ति दिने भएको हो। 

यस्तो अनुसन्धान गर्न इच्छुक नेपाली नागरिकले १५ दिनभित्र नास्टमा आवेदन दिनुपर्नेछ। 

कृषि प्रविधि तथा यान्त्रिककरण, खाद्य प्रविधि, सूचना प्रविधि, ऊर्जा तथा यातायात, शहरी विकास, उदीयमान प्रविधि, प्राकृतिक स्रोतको उपयोग, वातावारण तथा जलवायु परिवर्तन र विपद जोखिम न्यूनीकरणको क्षेत्रमा केन्द्रीत अनुसन्धानलाई अनुदान दिइने नास्टले जानकारी दिएको छ। 

यस्तो अनुसन्धान अनुदान लिनका लागि प्रस्ताव तयार पार्नुपर्ने छ। १५ पृष्ठसम्मको प्रस्ताव पेश गर्नुपर्ने छ। 

१० लाखसम्मको प्रस्तावलाई मान्यता दिइने नास्टले जानकारी दिएको छ। यसबाट छानिएकाहरूले अनुसन्धान प्रस्ताव अनुसारको काम १ वर्षभित्र गर्नुपर्ने छ।