काठमाडौं- नेपाली बजारमा यो साता सुनको मूल्यमा लगातार तेस्रो दिन पनि गिरावट आएको छ। आइतबार स्थिर रहेर सोमबार पाँचसय र मंगलबार तोलामा चारसय रूपैयाँले घटेको सुनको मूल्य बुधबार प्रतितोला तीनसय रूपैयाँले घटेको हो।
बुधबारका लागि छापावाल सुनको मूल्य प्रतितोला एक लाख १४ हजार ७ सय रूपैयाँ तोकिएको छ भने तेजाबी सुनको मूल्य प्रतितोला एक लाख १४ हजार एक सय ५० रूपैयाँ तोकिएको छ।
बुधबार चाँदीको मूल्य पनि घटेको छ। आइतबार तोलामा २५ रूपैयाँले बढेर सोमबार स्थिर रही मंगलबार प्रतितोला १० रूपैयाँले घटेको चाँदीको मूल्य आज प्रतितोला २० रूपैयाँले घटेको हो।
चाँदी आज प्रतितोला एक हजार ३ सय ८५ रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
