काठमाडौं- जाजरकोट-डोल्पा सडकखण्ड अवरुद्ध भएको छ। भूकम्प प्रभावित क्षेत्रमा पर्ने रिम्नामा पहिरो जाँदा सडक अवरुद्ध भएको हो। 

भूकम्प प्रभावित क्षेत्रमा पुग्नका लागि आवश्यक पहुँच मार्गका रुपमा रहेको उक्त सडक अवरुद्ध भएको हो। अवरुद्ध सडक खुलाउनका लागि प्रयास भइरहेको छ।

गत शुक्रबार जाजरकोटको रामिडाँडा केन्द्रबिन्दु भएर ६.४ म्याग्निच्युडको भूकम्प जाँदा जाजरकोट तथा पश्चिम रुकुममा जनधनको क्षति भएको छ। आजमात्र पनि सोही ठाउँलाई केन्द्रबिन्दु बनाएर ५.८ म्याग्निच्युडको भूकम्प गएको थियो। 

आजको परकम्पसँगै रिम्नामा पहिरो जाँदा सडक अवरुद्ध भएको छ। 

नेपालगञ्ज तथा जाजरकोट सदरमुकामबाट प्रभावित क्षेत्रमा पुग्नका लागि उक्त सडक भएर जानुपर्छ।