काठमाडौं- प्रधानमन्त्री पुष्पकमल दाहाल 'प्रचण्ड' ले आइतबारका लागि मन्त्रिपरिषद्को बैठक बोलाएका छन्।
प्रधानमन्त्री दाहालले जाजरकोट र रूकुमपश्चिममा भएको क्षति तथा भूकम्प प्रभावितको राहत तथा उद्धारबारे छलफल गर्न आइतबार लागि मन्त्रिपरिषद्को बैठक बोलाएका हुन्।
आज सबै मन्त्रीहरू राहत तथा उद्धारमा केन्द्रित भएका कारण भोलि बिहान ८ बजे बस्नेगरी बैठक बोलाइएको हो।
.jpg)
प्रधानमन्त्री प्रचण्ड अहिले भूकम्प प्रभावित क्षेत्रमा छन्। शनिबार बिहान हेलिकप्टर चढेर प्रभावित क्षेत्र पुगेका प्रधानमन्त्री दाहाल नियमित उडानबाट फर्कँदैछन्। आफू गएको नेपाली सेनाको हेलिकप्टर घाइतेहरुको उद्धारमा छोडेर उनी नियमित उडानबाट काठमाडौं फर्कन लागेका हुन्।
