काठमाडौं- कर्णाली प्रदेशका जाजरकोट र पश्चिम रुकममा शक्तिशाली भूकम्पको धक्का गएको छ। 

राति ११:४८ को समयमा ६.४ म्याग्निच्युडको भूकम्प गएको विभिन्न मापण पोर्टलले उल्लेख गरेका छन्। कर्णाली प्रदेशको जाजरकोटमै केन्द्रबिन्दु भएर भूकम्प गएको हो। 

भूकम्पले गर्दा पश्चिम रुकुमको आठविसकोट नगरपालिकाको राडी बजार, जाजरकोटको खलंगामा क्षति पुर्‍याएको छ। घरहरू भत्किएका छन् भने केही मान्छेहरू घाइते भएका छन्। 

घर गोठमा बाँधेर राखिएका पशु चौपाया पनि मरेको हुनसक्ने आशंका गरिएको छ तर यसको विवरण अहिलेसम्म आइसकेको छैन। 

मानवीय क्षतिका विषयमा विवरण नआएपनि ठाउँ ठाउँमा घाइते भएको खबर आएका छन्। जाजरकोटका विभिन्न स्थानमा सुख्खा पहिरो पनि गएको छ। 

भूकम्पले गर्दा भारतको नयाँ दिल्लीदेखि तीब्बतसम्म हल्लाएको छ। काठमाडौंमा पनि धक्का महसुस भएको थियो।