काठमाडौं- सानिमा सेक्युरिटिज लिमिटेड ब्रोकर नं. ८३ ले असोज २९ अर्थात् आजदेखि औपचारिक रुपमा आफ्नो कारोबार सुरु गरेको छ। कम्पनीले सोमबार एक कार्यक्रमका बीच कारोबार सञ्चालन सुरु गरेको हो।
उक्त कार्यक्रमको उद्घाटन सानिमा बैंक लिमिटेडका प्रमुख कार्यकारी अधिकृत निश्चल राज पाण्डे र सानिमा सेक्युरिटिज लिमिटेडका सञ्चालकहरुले संयुक्तरुपमा गरेका हुन्।
उद्घाटन समारोहमा सानिमा बैंक प्रमुख कार्यकारी अधिकृत पाण्डेले सानिमा सेक्युरिटिजको विधिवत् रुपमा कारोबार सञ्चालनमा आएकोमा बधाई ज्ञापन गर्दै सबल अनि विश्वसनीय धितोपत्र दलालको रुपमा निरन्तर विस्तार हुन भन्दै शुभकामना दिए।
.jpg)
सानिमा सेक्युरिटिजले यही वर्षको साउन १० गते नेपाल धितोपत्र बोर्डबाट र भदौ २५ गते नेपाल स्टक एक्सचेन्ज लिमिटेडबाट सदस्यता प्राप्त गरेको थियो।
