तुलसीपुर- दाङस्थित घोराही-तुलसीपुर चारलेन सडक निर्माणको काम पुनः सुरु हुने भएको छ।
पाँच वर्षदेखि अलपत्र परेको चार लेन सडक निर्माणका लागि तिहारलगत्तै बोलपत्र आह्वान गरिने सञ्चार तथा सूचना प्रविधिमन्त्री रेखा शर्माले जानकारी दिइन्। घोराही-तुलसीपुर सडकलाई चार लेनमा स्तरोन्नति गर्ने सम्बन्धमा सर्वेक्षण भइसकेको जानकारी दिँदै मन्त्री शर्माले भौतिक पूर्वाधारमन्त्रीसँग त्यसबारेमा छलफल भइसकेको बताइन्।
शनिबार तुलसीपुर उपमहानगरपालिका-१६ मा नेकपा (माओवादी केन्द्र) ले आयोजना गरेको शुभकामना आदानप्रदान कार्यक्रममा मन्त्री शर्माले यसबारे जानकारी गराएकी हुन्।
.jpg)
हाल उक्त सडकखण्डमा सडक मर्मतको काम भइरहेको छ। यसअघि पाँच वर्षसम्म पनि चार लेन निर्माणको काम अलपत्र हुँदा आवागमनमा समस्या भएको छ। बेलाबेलामा यो जीर्ण सडकमा सवारी दुर्घटना हुने गरेका छन्।
