काठमाडौं- भुटानले ड्रुक एयरले भुटानको पारोबाट पोखरा अन्तर्राष्ट्रिय विमानस्थलमा उडान गर्ने भएको छ। 

रोयल भुटान एयरलाइन्सको नामले समेत चिनिने ड्रुकले पारो-पोखरा सिधा उडानका लागि नेपाल नागरिक उड्डयन प्राधिकरणबाट अनुमति पाएको हो। 

ड्रुकले भदौ २३ गते पहिलो चार्टर्ड उडानका लागि अनुमति पाएको छ। 

पोखरा अन्तर्राष्ट्रिय विमानस्थल सञ्चालनमा आएको एक वर्ष पुग्न लाग्दासमेत अहिलेसम्म नियमित अन्तर्राष्ट्रिय उडान भएका छैनन्। 

भुटानको ड्रुक एयरले विस्तारै नियमित उडान गर्ने नेपाल नागरिक उड्डयन प्राधिकरणको विश्वास छ।