काठमाडौ- शतप्रतिशत हकप्रद सेयर दिने तयारीमा जुटेको अरुण काबेली पावर लिमिटेडले चालू आर्थिक वर्षको पहिलो त्रैमाससम्ममा  १३ करोड ५३ लाख ८० हजार खुद नाफा कमाएको छ।

कम्पनी गतवर्षको नाफाबाट १७ प्रतिशत लाभांश दिएको थियो। कम्पनीले हकप्रद सेयरका लागि विद्युत नियमन आयोगमा आवेदन दिइसकेको छ।

गत वर्षभन्दा यस वर्ष खुद नाफा १९ दशमलव २३ प्रतिशत बढी गरेको हो। गत वर्ष यस अवधिसम्म कम्पनीको यो नाफा  ११ करोड ३५ लाख ४४ रहेको थियो ।

यस वर्ष विद्युत् विक्रीबाट गत वर्षभन्दा १८ दशमलव ४९ प्रतिशत बढी अर्थात् २६ करोड ६९ लाख रुपैयाँ आम्दानी गरेको छ। विद्युत् विक्री आम्दानी बढेसँगै कम्पनीको सञ्चालन नाफा पनि गत वर्षभन्दा १८ दशमलव ८५ प्रतिशत बढी २४ करोड ९५ लाख ५४ हजार भएको छ। ५ दशमलव ७१ प्रतिशत बोनस सेयरमार्फत पूँजी वृद्धि गरी  १ अर्ब ५८ करोड ५६ लाख ५० हजार पुर्‍याएको छ । 

जगेडा कोष रकम गत वर्षभन्दा १०६ दशमलव ३४ प्रतिशत वृद्धि भई  ४२ करोड ५० लाख ८४ हजार कायम भएको छ। कम्पनीको कर्जा रकम गत वर्षभन्दा ९ प्रतिशत बढेर  ३ अर्ब ४५ करोड पुगेको छ। 

पहिलो त्रैमाससम्म कम्पनीको प्रतिसेयर आम्दानी  ३४ दशमलव १५ रहेको छ भने प्रतिसे यर नेटवर्थ ३५८ दशमलव शून्य ८ रहेको छ।