काठमाडौं- अनलाइन भुक्तानी प्रणाली भएको भन्सार कार्यालयबाट आयात गर्दा धरौटी न्यून लाग्ने भएको छ।
नेपाल राष्ट्र बैंकले एकीकृत निर्देशन जारी गर्दै अनलाइन भुक्तानी प्रणाली भएका भन्सार कार्यालयमा न्यून धरौटी लाग्ने व्यवस्था गरेको हो।
अनलाइनबाट राजस्व तिर्ने व्यवस्था नभएको भन्सारमा आयात गर्दा आयातमा व्यापारिक कम्पनीले १० प्रतिशत र उद्योगले २ प्रतिशत धरौटी तिर्नुपर्ने व्यवस्था रहेको छ।
त्यस्तै अनलाइन प्रणाली भएको भन्सारमा भने उद्योगले १ प्रतिशत र व्यापारिक संस्थाले ३ प्रतिशत धरौटी राख्नुपर्ने छ।