काठमाडौं- नेपाल राष्ट्र बैंकले तीनवटा वाणिज्य बैंकलाई कारबाही गरेको छ। नियामकीय निर्देशन तथा व्यवस्था कार्यान्वयन नगरेको भन्दै राष्ट्र बैंकले जरिवाना तथा सचेत गराएको छ।
राष्ट्र बैंककले प्राइम कमर्सियल बैंक, कुमारी बैंक र हिमालयन बैंकलाई कारबाही गरेको हो।
प्राइमले गएको वर्ष जारी गरिएको निर्देशनअनुसार कर्जा नोक्सानी व्यवस्थाअनुसार काम नगरेको, कृत्तिम जोखिमभार गणना गरेको र प्रिमियम बढाएर ब्याज अुसल गरेर फिर्ता नगरेको भन्दै राष्ट्र बैंकले प्रमुख कार्यकारी अधिकृतलाई सचेत गराएको छ।
.jpg)
त्यस्तै गएको माघमा कर्जा/निक्षेप अनुपात कायम नगरेको भन्दै राष्ट्र बैंकले कुमारी बैंकलाई ५९ लाख ६३ हजार ६९४ रूपैयाँ जरिवाना तिराएको छ।
हिमालयन बैंकलाई पनि गएको कात्तिकमा कर्जा/निक्षेप अनुपात कायम नगरेको भन्दै १ करोड ३९ लाख जरिवाना तिराइएको छ।
