काठमाडौं- सरकारले आर्थिक सहायता शीर्षकमा एक वर्षकै समयमा ७ करोड ६० लाख ८८ हजार ९४ रुपैयाँ वितरण गरेको छ। जसमा राष्ट्रपति रामचन्द्र पौडेल र पूर्वराष्ट्रपति रामवरण यादवको उपचारका लागि दिइएको सहायतासमेत जोडिएको छ। रामवरण यादवलाई २५ लाख र रामचन्द्र पौडेललाई ५५ लाख आर्थिक सहयोग गरिएको छ।

यसैगरी ग्यास विष्फोट भइ घाइते भएका र नेपालमै उपचार असम्भव भएपछि सरकारले नै भारत उपचारमा पठाएका कांग्रेस सांसद चन्द्रकान्त भण्डारीको हवाई एम्बुलेन्स भाडा रकमसमेत रहेको छ।

अर्थ मन्त्रालय सार्वजनि गरेको तथ्यांकअनुसार गत आर्थिक वर्ष २०७९/०८० मा कुल ७ करोड ६० लाख ८८ हजार ९४ रुपैयाँ आर्थिक सहायत शीर्षकमा वितरण गरिएको हो। 

मन्त्रिपरिषदको निर्णयमा अर्थ मन्त्रालयले आर्थिक सहायता रकम वितरण गर्दै आएको छ। मन्त्रालयले सार्वजनिक गरेको तथ्यांकअनुसार सबैभन्दा बढी रकम गत आर्थिक वर्षको अन्तिम महिना असारमा वितरण भएको छ। असारमा मात्रै २ करोड ४० लाख ४९ हजार ९ सय ८२ रुपैयाँ आर्थिक सहायत शीर्षकमा वितरण भएको छ।

यसैगरी दोस्रो बढी रकम वितरण मंसिरमा भएको छ। मंसिरमा १ करोड ३० लाख ८४ हजार ९ सय ५६७ रुपैयाँ वितरण भएको छ। गत आवकै बैशाख महिनामा भने आर्थिक सहायत शीर्षकमा रकम वितरण भएको छैन। यसैगरी सबैभन्दा कम रकम चैतमा ३ लाख वितरण भएको छ।

कुन महिना कति वितरण

साउन- ९२ लाख रुपैयाँ

भदौ- १ करोड ४१ लाख ७७ हजार ४ सय २४ रुपैयाँ

असोजमा- २५ लाख रुपैयाँ

कात्तिक- ४४ लाख रुपैयाँ 

मंसिर- १ करोड ३० लाख ८४ हजार  ९ सय ५७ रुपैयाँ

पुस- ८८ लाख ७२ हजार ५ सय २४ रुपैयाँ

माघ- २४ लाख  रुपैयाँ

फागुन- ६६ लाख ८८ हजार १ सय ६४ रुपैयाँ

चैत-३ लाख रुपैयाँ

वैशाख- शून्य

जेठ- ३५ लाख रुपैयाँ 

असार- २ करोड ४० लाख ४९ हजार ९ सय ८२ रुपैयाँ