काठमाडौं- नेपाल राष्ट्र बैंकले आइतबार सार्वजनिक गरेको चालु आर्थिक वर्षको मौद्रिक नीतिमाथि अर्थमन्त्री डा प्रकाशशरण महतले सार्वजनिक प्रतिक्रिया दिएका छन्।
रुपन्देहीमा पत्रकार भेटघाटाका अवसरमा बोल्दै महतले अहिलेको अववस्था अनुसारको मौद्रिक नीति आएको बताएका छन्। खुकुलो नीति आउनुपर्ने बताउँदै आएका महतले सार्वजनिक नीति खुकुलो नभएपनि लचिलो भएको बताएका छन्।
परिस्थिति अनुसारका नीतिगत ढोकाहरू खोल्ने मामिलामा खुला र उदार रुपमा नीति आएको तर एकैपटक बाहिर भनिएजस्तो खुकुलो नीति थेग्न नसकिने अवस्था रहेको उनको भनाइ छ।
अर्थतन्त्रमा केही शिथिलता देखिएको भएपनि पछिल्लो समय तथ्यांकले सुधार देखाएको र सोही अनुसार ऋणको परिचालन पनि हुँदै जाने र यसका लागि मौद्रिक नीतिले मार्गदर्शन गरेको उनको भनाइ छ।