.gif)
.gif)
काठमाडौं- त्रिभुवन अन्तर्राष्ट्रिय विमानस्थलको भन्सारबाट ठूलो परिमाणमा जाँचपास भएको सुन जफत भएपछि भन्सार विभागले छानबिन समिति बनाएको छ।
भन्सार विभाग अनुसन्धान शाखाका निर्देशक मानबहादुर पौडेलको नेतृत्वमा छानबिन समित गठन भएको विभागका निर्देशक एवं सूचना अधिकारी पुण्यविक्रम खड्काले जानकारी दिएका छन्। समितिले विमानस्थलको भन्सार जाँचपासमा क-कसको संलग्नता भएको भन्नेबारे छानबिन गर्ने छ।
साथै अहिलेलाई भन्सार जाँचपासमा संलग्न कर्मचारीलाई निलम्बन गर्ने प्रक्रियासमेत अघि बढेको छ। अन्यको पनि संलग्नता खुले त्यसअनुसार कारबाही अघि बढाइने सूचना अधिकारी खड्काले बताएका छन्।
राजश्व अनुसन्धान विभागले भन्सार जाँच पास भएर निस्केको झण्डै एक सय किलो सुन मंगलबार बरामद गरेको हो। हङकङको क्याथे प्यासिफिक एयरलाइन्सबाट आएको सामान (ब्रेक शु)मा राखेर उक्त सुन ल्याइएको पाइएको हो। विभागले अहिलेसम्म यसमा संलग्न ६ जनालाई पक्राउ गरिसकेको छ।
