काठमाडौं- त्रिभुवन अन्तर्राष्ट्रिय विमानस्थल हुँदै अवैध रुपमा नेपाल प्रवेश गरेको १ सय किलोभन्दा बढी सुन बरामद भएको छ।
राजस्व विभाग अनुसन्धान विभागको विशेष टोलीले विमानस्थलबाट बुधबार दिउँसो सुन बरामद गरेको हो। भन्सार जाँचपास भएर बाहिरिएको सुन विभागको टोलीले बरामद गरेको हो। सुन ल्याउने व्यक्ति पत्ता नलागेको विभाग स्रोतको दाबी छ।
यो पटक सुन तस्करी नयाँ तरिका प्रयोग भएको छ। तस्करहरूले सुन ल्याउन स्कुटरको स्पेयर पार्ट्स ब्रेकप्याड नै सुनको बनाएर ल्याएको पाइएको हो।
विमानस्प्याथल हुँदै ल्याइएको १ सय ६० सेटमा ८ कार्टुन सुन ल्याइएको प्रारम्भिक अनुमान राजस्व अनुसन्धान विभागको टोलीले गरेको छ। अनुमानित सुनको तौल १ सय केजीभन्दा बढी छ।
सनु आएको सूचना विभागको महानिर्देशकलाई नै आएको थियो। सुन ल्याउने व्यक्तिको खोजीका भइहेको छ। स्रोतका अनुसार रेडिकेयरप्रालि मार्फत सुन आएको बुझिएको छ।