काठमाडौं- पेट्रोलियम पदार्थमा स्वचालित मूल्य प्रणाली लागु भएसँगै सार्वजनिक यातायातको भाडा घटेको छ।
यातायात व्यवस्था विभागले स्वचालित मूल्य प्रणालीले डिजेल र पेट्रोलको मूल्य घटाएलगत्तै सार्वजनिक यातायातको भाडा समायोजन गरेको हो। विभागका अनुसार यात्रुवाहक सवारी साधनमा २.१३ प्रतिशत, मालवाहक सवारीमा पहाडमा २.७८ र तराईमा ३.०९ प्रतिशतले भाडा घटेको छ। नयाँ भाडादर साउन १ गतेदेखि नै लागु हुनेछ।