काठमाडौं- राष्ट्रपति रामचन्त्र पौडेलले आर्थिक वर्ष २०८०/०८१ को बजेट प्रमाणीकरण गरेका छन्।
राष्ट्रपति पौडेलले आइतबार विनियोजन विधेयक, २०८०, आर्थिक विधेयक, २०८० र राष्ट्र ऋण उठाउने विधेयक, २०८० प्रमाणीकरण गरेको राष्ट्रपति कार्यालयले जनाएको छ।
राष्ट्रपति पौडेलले संघीय संसद्बाट पारित भई नेपालको संविधानको धारा ११३ को उपधारा (१) बमोजिम प्रमाणीकरणका लागि पेस भएको तीन विधेयक प्रमाणीकरण गरेको राष्ट्रपति कार्यालयका प्रवक्ता शैलजा रेग्मी भट्टराईले जानकारी दिए।
बजेट प्रतिनिधिसभाबाट असार १३ गते र राष्ट्रियसभाबाट असार २८ गते बहुमतले पारित भएको थियो।