.gif)
.gif)
नारायणगढ- उपप्रधान एवं गृहमन्त्री नारायणकाजी श्रेष्ठले संसद्मा रहेको मिटरब्याजीसम्बन्धी विधेयक नै अघि बढाइने बताएका छन्। प्रेस सेन्टर नेपाल चितवनले शनिबार आयोजना गरेको पत्रकार सम्मेलनमा गृहमन्त्री श्रेष्ठले संसद्मा रहेको विधेयकलाई नै अघि बढाउने प्रक्रियामा छलफल भइरहेको बताए।
संसद् अवरोधका कारण विधेयक पारित हुन नसकेको भन्दै उनले अब संसद् सुरू हुनेबित्तिकै यसलाई पारित गरि बताए। उनले भने, 'प्रतिपक्षी साथीहरु पनि विधेयकको पक्षमा हुनुहुन्छ। त्यसो भएकाले अब यसलाई हामी चाँडै संसद्बाट पारित गर्छौँ।'
सरकारले संसद्मा दर्ता गराएको विधेयकको विषयमा दलहरुसँग छलफल भइरहेको उनले बताए। मिटरब्याजीविरुद्धको उजुरी नलिने र छानबिनका क्रममा पीडितको पक्षमा न्याय हुने काम नरोकिने उनको भनाइ छ। रासस
