काठमाडौं- नेपाली सेनाले रिक्त रहेका ३९३ प्राविधिक पदमा आवेदन खुलाएको छ। डाक्टर इन्जिनियरदेखि उड्डयन प्राविधिका लागि खुलेको हो।
योग्यता पुगेका नेपाली नागरिकबाट आवेदन आव्हान गरिएको उक्त विज्ञापनमा उप सेनानी तहको दर्जामा १०८ जना र त्यस बाहेकका प्राविधिक पदमा २८५ जनाका लागि विज्ञापन खुलाइएको छ।
विभिन्न आरक्षण समूहसहितका लागि खुलाइएको विज्ञानपनमा नेपाली सेनाको वेबसाइटबाट फारम डाउनलोड गरि प्रिन्ट गरेर बुझाउन सकिने छ।
असार २९ गतेदेखि साउन २७ गतेसम्म आवेदन बुझाउन सकिनेछ। त्यस्तै दोबर दस्तुर बुझाएर भदौ २ गतेसम्म बुझाउन सकिनेछ।
नेपाली सेनाको भर्ना तथा छनौट केन्द्र स्वयम्भू काठमाडौंमा आवेदन बुझाउन सकिनेछ।