काठमाडौं- पशुपति क्षेत्र विकास कोषका पूर्वसदस्य सचिव डा. प्रदिप ढकालविरुद्ध अख्तियार दुरुपयोग अुनसन्धान आयोगले गैरकानूनी सम्पत्ति आर्जन गरेको भन्दै मुद्दा दायर गरेको छ।
सार्वजनिक पद धारणा गरेको समयमा भएको आर्जनको स्रोत नखुलेको भन्दै ढकालविरुद्ध १ करोड ४४ लाख ११ हजार रूपैयाँ बिगो कायम गर्दै विशेष अदालतमा मुद्दा दर्ता गरिएको छ।
२०७४ साउन ३२ सदस्य सचिव भएर २०७९ जेठ २ बिदा भएका थिए। सो अवधिमा भएको आम्दानी तथा खर्चको अनुसन्धान गर्दा ढकालले १ करोड ४४ लाख रूपैयाँको स्रोत देखाउन नसकेको अख्तियारले उल्लेख गरेको छ।
पशुपतिमा जलहरी राख्दाको समयमा ढकाल नै सदस्य सचिव थिए।