काठमाडौं- चालु आर्थिक वर्ष २०७९/०८० को ११ महिनामा नेपालले भारत तथा तेस्रो मुलकबाट १४ खर्ब ८९ अर्ब ९८ करोड ११ लाख २६ हजार रुपैयाँ बरारबरको सामान आयात गरेको छ।
चालु आवको ११ महिनामा आयात गत आवको भन्दा १६.०१ प्रतिशतले कम हो। गत आवको ११ महिनमा १७ खर्ब ६३ अर्ब ३२ करोड रुपैयाँ बराबरको सामान आयात भएको थियो।
यसैगरी निर्यातमा पनि कमी आएको छ। चालु आवको ११ महिनामा नेपालले १ खर्ब ४३ अर्ब ५८ करोड ६५ लाख ४४ हजार रुपैयाँ बराबरको सामान निर्यात गरेको छ। गत आवको ११ महिनमा १ खर्ब ८५ अर्ब ८३ करोड रुपैयाँ बराबरको सामान निर्यात गरेको थियो।
भन्सार विभागका अनुसार चालु आवको ११ महिनामा कुल १६ खर्ब २४ अर्ब रुपैयाँ बराबरको वैदेशिक व्यापार भएको छ।
गत आवको ११ महिनामा १९ खर्ब ४९ अर्ब रुपैयाँ बराबरको वैदेशिक व्यापार भएको थियो। यसैगरी ११ महिनाको वैदेशिक व्यापार घाटा भने १३ खर्ब ३७ अर्ब रुपैयाँ बराबरको रहेको छ। गत आवको ११ महिनाको वैदेशिक व्यापार घाटा १७ अर्ब ७७ अर्ब रुपैयाँको थियो।