काठमाडौं- आन्तरिक उडानको हवाई भाडा घटेको छ।  वायुसेवा सञ्चालकहरूले गन्तव्य अनुसारको भाडामा लाग्ने इन्धन शुल्क घटाएका हुन्। 

नेपाल आयल निगमले हवाई इन्धनको मूल्य घटाएपछि सेवाप्रदायकहरूले पनि भाडा घटाएका छन्।  नेपाल वायुसेवा प्रदायक संघले इन्धनको मूल्यमा भएको घटबढ अनुसार भाडा सिफारिस गरेर  नेपाल नागरिक उड्डयन प्राधिकरणले स्वीकृत गर्नुपर्छ। 

सबैभन्दा धेरै काठमाडौंबाट माउन्टेन फ्लाइटको भाडा ३४० रुपैयाँले घटेको छ। त्यस्तै काठमाडौं धनगढीको भाडा ४४५ रुपैयाँ, नेपालगञ्जको ३२५ र भद्रपुरको भाडा ३ सय रुपैयाँले घटेको छ।