.gif)
.gif)
काठमाडौं- गण्डकी प्रदेश सरकारले आगामी आवको वर्ष २०८०/०८१ का लागि ३३ अर्ब ४२ करोड ७२ लाख रुपैयाँ बराबरको बजेट ल्याएको छ।
शुक्रबार बसेको प्रदेशसभा बैठकमा आर्थिक मामिलामन्त्री जितप्रकाश आलेले बजेट प्रस्तुत गरेका थिए।
पुँजीगततर्फ २० अर्ब १९ करोड ६२ लाख र चालुतर्फ १२ अर्ब १३ करोड ६७ लाख रुपैयाँको बजेट ल्याएको हो। बजेटमा सरकारले आन्तरिक ऋणलाई पनि निरन्तरता दिएको छ।
संघीय सरकारबाट १ अर्ब र आन्तरिक ऋण १ अर्ब लिने भएको छ। वित्तीय व्यवस्थापनतर्फ ५० करोड छुट्ट्याइएको छ।
आगामी आवको बजेट चालु आवको बजेटभन्दा साढे २ अर्ब रुपैयाँले कमी हो। चालु आवका लागि गण्डकी प्रदेशले ३५ अर्ब ९० करोड रुपैयाँ बजेट ल्याएको हो।
