काठमाडौं- सन् २०२३ को पाँच महिनामा १६ लाख ३० हजार ९ सय ५० जनाले काठमाडौं विमानस्थलबाट देशभित्रै हवाई यात्रा गरेका छन्।
त्रिभुवन अन्तर्राष्ट्रिय विमानस्थलको तथ्यांकअनुसार यो वर्षको पाँच महिनामा काठमाडौंबाट ८ लाख ११ हजार ३ सय ७ जना बाहिरिएका छन्। त्यस्तै यो बीचमा ८ लाख १९ हजार ६ सय ४३ जना काठमाडौं भित्रिएका छन्।
काठमाडौंबाट जानेभन्दा भित्रिने यात्रुको संख्या धेरै रहेको छ।
पाँच महिनामा आन्तरिकभन्दा अन्तर्राष्ट्रिय यात्रुको संख्या धेरै पुगेको छ। विमानस्थल कार्यालयका अनुसार चालु वर्षको पाँच महिनामा १८ लाख ४३ हजार अन्तर्राष्ट्रिय यात्रु रहेका छन्।
कुन महिना कति यात्रु?
जनवरी - २५९९८६
फेब्रुअरी- २७९९७८
मार्च- ३४७२१३
अप्रिल- ३५९७८४
मे- ३८३९८९