काठमाडौं- नेपाल एयरलाइन्सलाई दुई साताका लागि हङकङ उडानमा प्रतिबन्ध लागेको छ। 

विमानस्थल प्रशासनले कोभिड-१९ प्रोटोकल पालना नगरेको भन्दै नेपाल एयरलाइन्सलाई उडानमा प्रतिबन्ध लगाएको छ। 

नोभेम्बर २ को उडानका क्रममा  दुईजना यात्रुलाई कोरोना देखिएको थियो। 

काठमाडौंबाट गएका यात्रुमध्ये हङकङ विमानस्थलमा गरिएको परीक्षणमा २ जनामा कोरोना पोजेटिभ देखिएको थियो। त्यस्तै एकजना यात्रुको भ्याक्सिन कार्डको प्रमाणपत्र मिलेको थिएन। 

विमानस्थलमा उडानका लागि एयरलाइन्सले पालना गर्नुपर्ने नियम नगरेको भन्दै उडानमा प्रतिबन्ध लगाएको हो। 

दुई हप्ताको प्रतिबन्धले २  उडान/अवतरण रोकिने छन्। यसबाट  नेपाल एयरलाइन्सलाई  साढे चार करोड घाटा हुने छ।