काठमाडौं- बिहीबार सुनचाँदीको मूल्य घटेको छ। बुधबार प्रतितोला दुई सय रूपैयाँले बढेको सुनको मूल्य बिहीबार प्रतितोला एक हजार रूपैयाँले घटेको हो।
बिहीबार छापावाल सुनको मूल्य प्रतितोला एक लाख ११ हजार ७ सय रूपैयाँ र तेजाबी सुनको मूल्य प्रतितोला एक लाख ११ हजार एक सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
चाँदीको मूल्य आज पाँच रूपैयाँले घटेर प्रतितोला एक हजार चार सय १५ रूपैयाँ कायम छ।