काठमाडौं- सार्वजनिक खरिद अनुगमन कार्यालयले कालोसूचीमा राख्नुपूर्व १६ निर्माण कम्पनी तथा सप्लायर्सलाई स्पष्टीकरण सोधेको छ। कार्यालयले काम लगाउने निकायबाट आएको सिफरिसअनुसार यी कम्पनीलाई लिखित स्पष्टीकरण सोधेको हो।
सार्वजनिक खरिद अनुगमन कार्यालयले ३० दिनभित्र १६ निर्माण कम्पनीलाई लिखित स्पष्टीकरण पेश गर्न समय दिएको थियो।
कार्यालयले सबै १६ निर्माण कम्पनी तथा सप्लायर्सलाई उक्त समय दिएको थियो। तर उक्त अवधिमा कुनै पनि निर्माण कम्पनी तथा सप्लायर्सले लिखित स्वष्टीकरण पेश नगरेकाले पुनः ७ दिनको सयम दिएर सूचना प्रकाशित गरेको हो।
बुधबार सूचना प्रकाशित गरेर ७ दिनको अवधिमा लिखित स्पष्टीकरण दिन भनेको छ। यो अवधिमा स्पष्टीकरण नदिएमा वा चित्तबुझ्दो नभएमा कार्यालयले कालोसूचीमा राख्ने छ। कालोसूचीमा परेपछि सो अवधिभर सरकारी टेन्डरमा भाग लिन पाइने छैन।