काठमाडौं- नेपाल धितोपत्र बोर्डले थप ११ कम्पनीलाई धिताेपत्र व्यापारको अनुमति दिएको छ। बाेर्डले एक सूचना जारी गर्दै ११ वटा कम्पनीलाई अनुमति दिएको हाे।

यस अघि सातवटालाई दिईएको थियो। बाेर्डले नबिल बैंकको भगिनि कम्पनी नबिल सेक्युरिसटिज लिमिटेडलाई धितोपत्र व्यापारसमेतको लाइसेन्स दिएको हो।

यसैगरी थप १० कम्पनीलाई सीमित कार्य गर्ने धितोपत्र धितोपत्र व्यवसायीका रूपमा अनुमति दिइएको बोर्डले जारी गरेको सूचनामा उल्लेख छ।

अनुमति पाउनेमा एलिट स्टक हाउस, इन्फिनिटी सेक्युरिटिज, इन्डेक्स सेक्यूरिटिज, शुभकामना सेक्यूरिटिज छन्। यस्तै मेघा स्टक मार्केट्स लि, हातेमालो फाइनान्सियल सर्भिसेस, मनि वर्ल्ड सेयर एक्सचेन्ज प्रालि छन्।

यसैगरी माछापुच्छ्रे सेक्युरिटिज लि, के.वि.एल. सेक्यूरिटिज लि र कलश स्टक मार्केटले सीमित कार्य गर्न अनुमति पाएका छन्। नबिल सेक्युरिटिजले व्यापारीको अनुमति पाएको छ।