काठमाडौं- अर्थमन्त्री डा. प्रकाशशरण महतले साधारण खर्चको दायित्व धेरै हुँदा पुँजीगत बजेट घटेको बताएका छन्।
मंगलबार अर्थ मन्त्रालयमा आयोजित पत्रकार सम्मेलनमा बोल्दै अर्थमन्त्री महतले ऋणको दायित्व बढेको र जुन तिर्नैपर्ने भएकाले बजेट बढेको बताएका हुन्।
आगामी वर्षका लागि चालु वर्षको तुलनामा ७६ प्रतिशतले ऋणको साँवा ब्याज भुक्तानीका लागि बजेट बढेको छ। आगामी वर्षका लागि सरकारले यसमा ३ खर्ब ३० अर्ब विनियोजन गरेको छ।
त्यस्तै सामाजिक सक्षाका लागि पनि २ खर्ब बढी विनियोजन भएको छ।
'सामाजिक सुरक्षा तथा ऋणको दायित्व बढेको छ, यसले गर्दा पनि पुँजीगत बजेट प्रभावित भएको छ', उनले भने।