काठमाडौं- सरकारले पूर्वाधार निर्माणलाई उच्च प्राथमिकता दिने भएको छ। आगामी आर्थिक वर्षदेखि पूर्वाधार निर्माणको काम दुई सिफ्टमा गरिने भएको छ।
राष्ट्रपति रामचन्द्र पौडेलले सरकारको आगामी आर्थिक वर्षको नीति तथा कार्याक्रम प्रस्तुत गर्दै यस्तो बताएका हुन्। पूर्वाधार निर्माणको काममा सुस्तता भएको भन्दै सरकारले दुई सिफ्टमा काम गर्ने नीति लिएको हो।
हाल विशेष प्रकृतिको आयोजनाबाहेक अन्य आयोजनामा एक सिफ्टमा काम हुँदै आएको छ। आगामी आार्थिक वर्षदेखि दुई सिफ्टमा काम गरेर आयोजना समयमा सक्ने लक्ष्य सरकारको छ।
