बिहीबार , चैत १५ गते २०८०    
images
images

पोखरा जहाज दुर्घटना : जाँच आयोगद्वारा जहाजको उपकरण र कागजात संकलन

images
बिजनेस न्युज
images
पोखरा जहाज दुर्घटना : जाँच आयोगद्वारा जहाजको उपकरण र कागजात संकलन
images
images

काठमाडौं- यही माघ १ गते कास्कीको पोखरामा दुर्घटना भएको यती एयरलाइन्सको नाइन एन-एएनसी एटीआर-७२-५०० जहाजबारे जाँचबुझ गर्न गठित दुर्घटना जाँच आयोगले दुर्घटनस्थलबाट आवश्यक पार्टपूर्जा र वायुयानका रेकर्डसहित कागजात संकलन गरेको छ। 

images
images
images

आयोगले विज्ञप्ति जारी गर्दै दुर्घटनास्थलको पुनःविस्तृत निरीक्षण गरी आवश्यक पार्टपूर्जा, वायुयानका रेकर्ड, केही प्रत्यक्षदर्शीसँगको कुराकानी र वायुसेवा सञ्चालकबाट आवश्यक कागजात संकलनको गरिसकेको जनाएको छ।

images

'नियामक निकायलगायतबाट थप कागजात संकलनको काम भइरहेको छ', विज्ञप्तिमा उल्लेख छ। आयोगका अनुसार दुर्घटना जाँचको सन्दर्भमा महत्वपूर्ण सूचना प्राप्त हुने रेकर्डर नेपालमा परीक्षण गर्न नसकिने भएकाले उच्च गुणस्तरको दक्षजनशक्तिसहितको अन्तर्राष्ट्रिय ल्याबमा परीक्षण एवं विश्लेषण गर्न लैजाने तयारी भइरहेको छ।

images
images

'अन्तर्राष्ट्रिय मापदण्ड बमोजिम आयोगद्वारा अनुसन्धान जारी रहेको र सबै प्रक्रिया पूरा गरी उडान सुरक्षामा थप सहयोग पुग्ने सुझावसहितको प्रतिवेदन सरकारलाई पेस गरिने छ', विज्ञप्तिमा भनिएको छ।

उक्त जहाज दुर्घटनामा चालक दलका सदस्यसहित ७१ जनाको निधन भएको थियो भने एक जनाको अवस्था अझै अज्ञात छ। दुर्घटनालगत्तै सरकारले पूर्वसचिव नागेन्द्र घिमिरेको संयोजकत्वमा दुर्घटना जाँच आयोग गठन गरेको थियो।

images

प्रकाशित : मंगलबार, माघ १० २०७९१२:१८
प्रतिक्रिया दिनुहोस
images
ट्रेन्डिङ