काठमाडौं- नेपाल वायुसेवा निगम (नेपाल एयरलाइन्स)मा उडानदलका सदस्यको आन्दोलनका कारणले उडान प्रभावित भएको छ।
आज बिहान ७ बजे साउदी अरबको रियाद उड्नुपर्ने जहाज अहिलेसम्म उडान हुन सकेको छैन। केही उडानदलको करार नवीकरण नभएको र मासिक १ सय घण्टाभन्दा बढी उडान परेको भन्दै आन्दोलन गर्दा निगमको उडान प्रभावित भएको हो।
बिहीबार वार्ता चलिरहेकाे समयमा माओवादी निकट युनियनका नेताहरुले क्याबिन क्रु माथी हातपात गरेपछि राजु श्रेष्ठ सहित ३ जनालाई प्रहरीले पक्राउ गरेकाे छ।
उडानदलका सदस्यहरूले विरोधमा विज्ञप्ती समेत जारी गरेका छन्। क्याबिन क्रुकै कारण बुधबार मलेसियाको उडान पनि ४ घण्टा ढिला भएको थियो। मलेसिया उडेको जहाज अहिले मलेसियामा नै रोकिएको छ।
यसैगरी हिजो मात्रै दिल्लीको उडान पनि क्याबिन क्रुकै कारण ५ घण्टा ढिला भएको थिए। दुबईमा ढिला उडान भएको छ। दुबइमा पनि जहाज रोकिएको छ। जहाज रोकिनुको कारण क्याबीन क्रु नउड्दा र उडेको क्याबिन क्रुको रेस्ट पिरियड नपुंग्दा जहाज जुन गन्तव्यमा गएको छ त्यही रोकिएको छ।
अहिले दिल्ली उडान पनि रोकिएको छ। निगमका कारण विमानस्थल कार्यालयले सास्ती भोग्न परेको र विमानस्थलको छविमा समेत आँच आएको विमानस्थल कार्यालयको भनाइ छ। क्याबिन क्रुकै विषयमा अहिले निमगमा झगडा सुरु भएको छ।
आफ्नोलाई करार नवीकरण गरेको र अरुलाई हेला गरेको भन्दै क्याबिन क्रुले आन्दोलन गरिरहेका छन्। प्रहरीले ३ जनालाई प्रकाउ समेत गरेको छ।
