काठमाडौं- नेपालले हवाई सुरक्षामा विश्वस्तरको मापदण्डअनुरुप उल्लेखनीय प्रगति हासिल गर्न नसकेको भन्दै युरोपेली आयोगले उडान सुरक्षा सूचीबाट नहटाउने निर्णय गरेको छ।
बिहीबार प्रकाशित युरोपेली संघको आधिकारिक जर्नलका अनुसार युरोपेली आयोगले नेपाली हवाई आकाशलाई कालोसूचीमै निरन्तरता दिएको हो। नयाँ सूचीसँगै नेपाललाई लगाइएको प्रतिबन्ध पुनः ६ महिना लम्बिएको छ।
हवाई सुरक्षामा गम्भीर चासो औँल्याउँदै इयुले १० वर्षदेखि नेपालको हवाई उड्डयन क्षेत्रलाई उडान सुरक्षाको सूचीमा राख्दै आएको छ। गत महिना इयुले अडिट समेत गरेको थियो। अडिको क्रममा नेपाललले उल्लेख्य कुनै सुधार र प्रगति नगरेको भन्दै प्रतिवन्धलाई निरन्तरता दिएको हो।
सुरक्षा सूचीको मात्र प्रामाणिक संस्करण संस्करण हो जुन पछिल्लो लागू आयोग कार्यान्वयन नियमन संशोधन नियमन मा संलग्न हवाइ वाहकहरूको सूचीको सन्दर्भमा विगतै निर्णय यथास्थितीमा राखेको समेत जनाएको छ। इयुले गत सेप्टेम्बर १४, २०२२ मा आयोगले नेपाल नागरिक उड्डयन प्राधिकरणका प्रतिनिधिहरूसँग भेटघाट समेत गरेको थियो।
इयुअन्तर्गतको युरोपेली आयोगले सन् २०१३ देखि नेपालको हवाई क्षेत्रमाथि सुरक्षा चासो देखाउँदै उडान सुरक्षा सूचीमा राखेको हो। सन् २०१३ बाटै अन्तर्राष्ट्रिय नागरिक उड्डयन संगठन (आईकाओ) को गम्भीर सुरक्षा चासो ९एसएससी० को सूचीमा राखेकामा सन् २०१७ जुलाईबाट हटाएको थियो।
सुरक्षा चासो देखाएको इयुले नेपाली वायुयानलाई युरोपका आकाशमा उड्न प्रतिबन्द लगाएको थियो। आईकाओको उडान सुरक्षा अडिटको नतिजापश्चात नेपाल सरकारले इयुलाई नेपाली वायुसेवालाई उक्त सूचीबाट हटाउन आग्रह गरिसकेको छ।
