 (2).gif)
काठमाडौं- निर्वाचन आयोगले अहिलेसम्म प्रतिनिधि सभा अन्तर्गतको समानुपातिक तर्फ कुल ४५ लाख १७ हजार ५७ सदर मतको नतिजा सार्वजनिक गरेको छ।
जसमा सबैभन्दा बढी नेकपा एमालले १० लाख ४० हजार ६ सय २४ मत पाएको छ। जुन सदर मतको २३.०३ प्रतिशत हो।
यसैगरी नेपाली कांग्रेसले अहिलेसम्म ९ लाख ९६ हजार ३ सय १६ मत पाएको छ। कांग्रेसले सदर मतको २२.०५ प्रतिशत मत पाएको छ। यसैगरी रास्वपाले सदरमतको १०.८५, माओवादीले १०.१५ प्रतिशत, राप्रपाले ५.८६ र जसपाले २.८९ प्रतिशत मत पाएको छ। जसपालाई अहिलेसम्म थ्रेसहोल्ड नकटाउने अवस्थामा रहेका ४१ पार्टीले पाएको मत भने ११ लाख ३५ हजार ७ सय ४९ मत पाएका छन्। यो मत सदर मतको २५.१४ प्रतिशत हो।
तीन प्रतिशत मत नकटाउने दलले समानुपातिकबाट कुनै पनि सिट पाउँदैनन्।
कुन पार्टीको कति भोट?
नेपाल कम्युनिष्ट पार्टी (एकीकृत मार्क्सवादी लेनिनवादी)-१०४०६२४ (२३.०३ प्रतिशत)
नेपाली कांग्रेस- ९९६३१६ ( २२.०५ प्रतिशत)
राष्ट्रिय स्वतन्त्र पार्टी -४९०१३२ (१०.८५ प्रतिशत)
माओवादी- ४५८५७० (१०.१५ प्रतिशत)
राप्रपा- २६४८९७ (५.८६ प्रतिशतण)
जसपा- १३०७६९ (२.८९ प्रतिशत)
अन्य दल ११ लाख ३५ हजार ७ सय ४९ (२५.१४ प्रतिशत)
