काठमाडौं- अर्थमन्त्री जनार्दन शर्मा साढे २६ हजारको मतान्तरले प्रतिनिधिसभामा विजयी भएका छन्। नेकपा माओवादी केन्द्रका नेता समेत रहेका शर्माले आफ्ना निकटतम प्रतिद्वन्द्वी नेकपा एमालेका नन्दराम देवकोटालाई २६ हजार ५ सय ८८ मतको अन्तरले पराजित गरेका छन्।
कुल ६० हजार ५ सय २७ मत खसेकामा शर्माले ३९ हजार ५ सय ४९ मत प्राप्त गरे। नेकपा एमालेका देवकोटाले १२ हजार ९ सय ६१ मत पाएका छन्। विजयी भएसँगै शर्मा चौथोपटक रुकुमबाट जित निकालेका छन्। शर्माले यसअघि २०६४, २०७०, २०७४ मा पनि निर्वाचित भएका थिए।
