काठमाडौं- आइतबार सम्पन्न सम्पन्न प्रतिनिधिसभाको निर्वाचनको मतगणना देशभर जारी छ।
मतगणनाको प्रारम्भिक मत परिणाम अनुसार हालसम्म राष्ट्रिय स्वतन्त्र पार्टीले १४ क्षेत्रमा अग्रता कायम राखेको छ। पहिलोपटक निर्वाचनमा भाग लिएको राष्ट्रिय स्वतन्त्र पार्टीले काठमाडौंको क्षेत्र नम्बर २, ६, ७ र ८ मा अग्रता लिएको छ।
क्षेत्र नम्बर २ मा सोविता गौतम, ६ मा शिशिर खनाल, ७ मा गणेश पराजुली र ८ मा विराजभक्त श्रेष्ठले अग्रता कायम राखेका छन्।
त्यस्तै ललितपुर क्षेत्र नम्बर ३ मा डा तोसिमा कार्कीले अग्रता लिएकी छन्। यो पार्टीले कास्कीका दुई क्षेत्रमा अग्रता लिएको छ।
झापामा १, सुनसरीमा २, चितवनमा १, रुपन्देहीमा १ र नवलपारसी पश्चिममा राष्ट्रिय स्वतन्त्र पार्टीका उम्मेद्वारले अग्रता लिएका छन्।
