काठमाडौं- आइतबार सम्पन्न प्रदेश र प्रतिनिधिसभा सदस्यका लागि भएको निर्वाचनको मतगणना भइरहेको छ। 

निर्वाचन आयोगका अनुसार प्रदेश तथा प्रतिनिसभा सदस्यका लागि भएको प्रत्यक्ष तथा समानुपातिकको मतगणना समानान्तर रुपमा भइरहेको छ। 

आयोगका अनुसार हाल पाँच प्रदेससभा सदस्यको समानुपातिकमा मत गणना भइरहेको छ। यी प्रदेशमध्ये पहिलोपटक निर्वाचनमा होमिएको जनमत पार्टीले मधेस प्रदेशमा सबैभन्दा धेरै मत ल्याएर एक नम्बरमा रहेको छ। 

मधेसमा जनमत पार्टीले २ हजार ६४४ मत ल्याएको छ। त्यस्तै दोस्रोमा कांग्रेस र तेस्रोमा एमाले रहेको छ। 

प्रदेश  १ मा एमालेले सबैभन्दा धेरै भोट ल्याएको छ। प्रदेश एक मा एमालेले २० हजार ७९३ मत ल्याएको छ। दोस्रोमा कांग्रेस र चौथोमा राप्रपार रहेको छ। 

पाँच प्रदेशमध्ये एमालेले प्रदेश  १ सँगै गण्डकीमा १२ हजार मत र लुम्बिनीमा २० हजार मत सहित अग्रता लिएको छ। 

बागमती प्रदेशमा मात्र नेपाली कांग्रेसले ९ हजार ७१५ मत सहित अग्रता लिएको छ। बागमतीमा एमाले दोस्रो र राप्रपा तेस्रो छन्। 

कर्णाली र सुदूरपश्चिमको मतगणनाको तथ्यांक सार्वजनिक भएको छैन।