काठमाडौं- काठमाडौं क्षेत्र नम्बर ४ को प्रतिनिधिसभा सदस्यका लागि भएको निर्वाचनको मतगणना अनुसार नेपाली कांग्रेसका महामन्त्री गगनकुमार थापाको जित निश्चित भएको छ।
क्षेत्र नम्बर चारको गणना हुँन बाँकी मतभन्दा थापाको अग्रता धेरै भएपछि जित सुनिश्चित भएको हो।
क्षेत्र नम्बर ४ मा ४ हजार ८८१ भन्दा कम मत गणना बाँकी हुँदा थापा एमालेका डा राजन भट्टराईभन्दा ५ हजार ९९१ मतले अघि रहेका छन्। थापाले हालसम्म १९ हजार १४ मत पाएका छन् भने भट्टराईले १३ हजार २३ मत पाएका छन्।
थापा यही क्षेत्रबाट तेस्रोपटक निर्वाचित हुँदैछन्।
