काठमाडौं- सन् २०२२ को अक्टोबर महिनामा नेपाल भ्रमणमा आउने पर्यटकको संख्या ८८ हजारभन्दा बढी पुगेको छ।

अध्यागमन विभागका अनुसार अक्टोबर महिनामा नेपाल भ्रमणमा आउने विदेशी पर्यटकको संख्या ८८ हजार ५ सय ८२ रहेको छ।

अक्टोबर महिनामा सबैभन्दा बढी पर्यटक भारतका रहेका छन्। भारतबाट मात्रै नेपाल भ्रमणमा आउने पर्यटकको संख्या १६ हजार ९ सय १० रहेको छ।

यसैगरी दोस्रोमा अमिरकी पर्यटक रहेका छन्। अमेरिकाबाट ११ हजार ८ सय ५९ जना नेपाल भ्रमणमा आएका छन्।

अध्यागमन विभागका अनुसार सार्क देशहरुबाट २१ हजार २ सय ४१, सार्क देशबाहेकका एसियाबाट ६ हजार ८ सय ८१, युरोपबाट ३० हजार  ४ सय ९०, अष्ट्रेलिया र न्यूजिल्याण्डबाट ४ हजार ३ सय २, मिडईस्टबाट १ हजार ९ सय ८६ र अमेरिकी मुलुकहरुबाट १३ हजार ५ सय ४१ जना पर्यटक नेपाल भ्रमणमा आएका छन्।