काठमाडौं- चिनियाँ कम्पनीले उत्पादन गरेका कार व्यवसायीले उत्तरी नाका रसुवागढीबाट समेत आयात गर्न थालेका छन्। रसुवागढी नाकाबाट ३ दिनयता १ सय विद्युतीय बस नेपाल भित्रिएको रसुवा भन्सार कार्यालय टिमुरेले जनाएको छ।

रसुवागढी नाकाबाट आयात भएका ती सवारी साधन भन्सार प्रक्रिया पूरा गरी क्रमिकरूपले काठमाडौँ लैजाने कार्य अगाडि बढिरहेको प्रमुख भन्सार अधिकृत रामप्रसाद रेग्मीले बताए। 

उक्त कारबाट १० करोड ९८ लाख रुपैयाँभन्दा बढी भन्सार असुली भएको छ। रसुवागढी नाकाबाट हालसम्म आयात भएका अन्य सवारी साधनमध्ये पछिल्लो समय नेपाल भित्रिएका ती कार नयाँ मोडलका देखिएको प्रमुख भन्सार अधिकृत रेग्मीले जानकारी दिए। 

गत आर्थिक वर्षदेखि हालसम्म करिब ८ सय साना ठूला सवारीसाधन रसुवागढी नाकाबाट नेपाल भित्रिएको रेग्मी बताए। रासस