काठमाडौं- बिहीबार नेपाली बजारमा सुनचाँदीको मूल्यमा वृद्धि भएको छ। यो साता आइतबार उच्च बिन्दुमा पुगेर सोमबार र मंगलबार स्थिर रही बुधबार प्रतितोला एकहजार रूपैयाँले घटेको सुनको मूल्य बिहीबार पुन: बढेको हो। 

प्रतितोला ८ सय रूपैयाँले बढेर बिहीबार छापावाल सुनको मूल्य प्रतितोला एक लाख २५ हजार ८ सय रूपैयाँ पुगेको छ भने तेजाबी सुनको मूल्य प्रतितोला एक लाख २५ हजार दुईसय रूपैयाँ कायम रहेको नेपाल सुनचाँदी व्यवसायी महासंघले जनाएको छ।

बिहीबार चाँदीको मूल्य ५० रूपैयाँले बढेर प्रतितोला एक हजार ५ सय १० रूपैयाँ पुगेको छ।

मंगलबार प्रतितोला १० रूपैयाँले बढेको चाँदीको मूल्य बुधबार २० रूपैयाँले घटेको थियो।