काठमाडौं- जापानको नारिता उडेको नेपाल वायु सेवा निगमको जहाजमा प्राविधिक समस्या देखिएसँगै जहाज काठमाडौं नै फर्किएको छ।
राति ११ बजे जापानको लागि उडेको निगमको वाइडबडी जहाजमा धुँवा देखिएको भन्दै जहाज काठमाडौं विमानस्थल नै फर्काइएको निगम एक पाइलटले जानकारी दिए। जहाजमा १८४ जना यात्रु थिए।
राति काठमाडौं नै फर्किएको जहाज अहिले बिहान ९ बजे जापान उडानको तयारी भएको छ। वाइडबडी विमान कार्गो सामान राखिने कम्पार्टमेन्टमा धुँवा देखिएपछि काठमाडौंमै फर्किएको एक पाइलटले जानकारी दिए।
