काठमाडौं- निजी हवाई सेवा प्रदायक कम्पनीहरूको छाता संगठन वायुसेवा सञ्चालक संघले पाेखरा अन्तर्राष्ट्रिय विमानस्थल सञ्चालनपूर्व ६ वटा काम पूरा हुनुपर्ने बताएका छन्।

संघले एक विज्ञप्ति जारी गर्दै विमानस्थल सञ्चालन हुनपूर्व ल्यान्डफिल्ड साइटको व्यवस्थापन हुनपर्ने विषयलाई प्राथमिकताका साथ अगाडि सारेको छ। संघले ल्याण्डफिल्ड साइट अहिलेको ठाउँबाट सार्नुपर्ने जनाएको छ।

यसैगरी संघले हेलिकाेप्टर पार्किङ स्थल, हवाई इन्धनको आवश्यक व्यवस्था, इक्युपमेन्ट यार्ड, लाइन मेन्टेनेन्सका लागि आवश्यक काेठा र दुवै रनवेको अन्तिम बिन्दुसम्म समाान्तर ट्याक्सी वेको पूर्वाधार हुनपर्ने धारणा राखेको छ।

यी काम सम्पन्न नहुँदासम्म विमानस्थलबाट उडान सम्भव नरहेको संघको भनाइ छ।