काठमाडौं- श्री एयरलाइन्सको जहाज नेपालगञ्ज विमानस्थलमा आपतकालीन अवतरण गरिएको छ। ९ एन-एएनएफ जहाज नेपालगञ्ज विमानस्थलमा आपतकालीन अवतरण गरिएको छ।
जहाजको इन्जिनमा समस्या देखिएपछि जहाज आपतकालीन अवतरण गरिएको हो।
नेपालगञ्जबाट काठमाडौंका लागि उडेको जहाजमा समस्या देखिएपछि पाइलटले नेपालगञ्जमै आपतकालीन अवतरण गराएका हुन्। जहाजको वायाँ इन्जिनमा धुवाँ देखिएपछि १० माइल उडेको जहाज सोही विमानस्थलमा फर्काइएको हो। जहाजमा चालकदलका सदस्य सहित ७९ जना यात्रु थिए।
'बिहान १० बजेको उडान तालिका थियो। उडेपछि इन्जिनमा समस्या देखिएपछि आपतकालीन अवतरण भएको छ। जहाजको प्राविधिक परीक्षण भइरहेको छ' श्री एयरलाइन्सका प्रवक्ता अनिल मानन्धरले भने।
