काठमाडौं- २०५२ सालदेखि सञ्चालनमा रहेको होटल क्लब हिमालय नगरकोटमा रहेको चर्चित रिसोर्ट हो।
क्लब हिमालयमा अहिले ७१ कोठामा १ सय बेड रहेको छ। चागुँनारायण नगरपालिका भक्तपुरमा रहेको क्लब हिमालयमा अब २० करोड रुपैयाँको लगानी थप गर्दै दुईवटा नयाँ भवन बनाउने भएको छ।
दुईवटा नयाँ बन्ने भवनमा ४८ वटा कोठा तथा ९० वटा बेड थप हुनेछ। योसँगै क्लब हिमालयमा १ सय १९ कोठामा १ सय ९० बेड रहने छ। होटल क्लब हिमालय कुल २६ रोपनी १२ आना जग्गामा फैलिएको छ। नयाँ थप भएका संरचनापछि क्लब हिमालयको ६ वटा भवन हुनेछ।
